老人健康
老人健康 【私家看護比較】一文睇晒香港 11 間醫療機構收費價錢及服務範疇！
每當親人患病或出院後需要特別照顧，做打工仔嘅又分身不暇，又唔想用院舍服務，可考慮聘請私家看護。本港有唔少醫療中介公司提供上門護理服務，佢哋嘅收費同服務有咩分別？聘用服務時又有咩要注意？Bowtie 資訊團隊比較香港 11 間私家看護中介公司嘅價錢及服務，幫大家揀出最適合自己嘅私家看護！（2024 年 1 月更新）
如何選擇私家看護？
市面上嘅醫療護理中介公司都會以配對方式轉介私家看護，服務範疇由日常衛生護理、長者護理、產前產後護理，到專業護理（如藥物注射、傷口護理等）。
唔同嘅護理服務都由持有各專業資格嘅看護負責，主要分為註冊護士、登記護士、中國訓練護士、保健員或起居照顧員等：
- 註冊護士及登記護士：持有由香港護士管理局發出的執業證明書，分別接受最少三年及兩年的基礎護士訓練
- 中國訓練護士：沒有在香港護士管理局註冊或登記，卻在內地接受護士訓練
- 保健員：於社會福利署安老院牌照事務處註冊
除咗根據患者是否需要聘請看護及價錢考量外，聘用時亦要查詢佢哋嘅資歷、所接受嘅訓練以及工作經驗，確保佢哋持有專業資格。而且，最好事先徵詢專業醫護人員或家庭醫生嘅意見，擬定護理清單，並預早2至3日申請看護服務，以便中介公司作出合適安排。
比較私家看護服務收費
在私家看護服務價錢方面，大多數連鎖醫療機構都有明碼實價，唔同專業資格嘅護士或護理員都有唔同收費。然而，部份醫療中介公司並冇列明價錢，而係根據病人需要作出報價。以下價錢以12小時服務之收費 (HK$)計算：
| 護士 | 護理員 | |
| 盈安 | 專科護士：$3,200 註冊護士：$2,700 登記護士：$2,380 | 保健員：$1,120 起居照顧員：$970 |
| 卓健 | 註冊護士：$3,030 登記護士：$2,680 | 中國訓練護士：$1,390 保健員：$1,270 起居照顧員：$1,080 |
| 盈科 | 註冊護士：$2,950 登記護士：$2,600 | 保健員：$1,260 起居照顧員：$1,050 |
| 愛心 | 註冊護士：$2,950 登記護士：$2,600 | 中國訓練護士：$1,230 健康助理/保健員：$1,180 私家陪人：$1,000 |
| 百本 | 需自行報價 | |
| 愛護健 | 需自行報價 | |
| Evercare | 需自行報價 | |
| 名卓護 | 需自行報價 | |
| 活力國際 | 需自行報價 | |
| 博康 | 需自行報價 | |
| 延年 | 需自行報價 | |
除咗基本工時嘅收費外，建議大家向中介公司問清楚其他費用及特別天氣情況嘅安排，如交通費、夜間服務收費、逾時工作嘅費用、颱風或暴雨情況下嘅工作安排等。
11間醫療機構之服務範疇
仁山優社
仁山優社私家看護服務包括24小時病房陪護、家居上門護理、起居飲食及衞生料理、傷口及造口護理、藥物注射/餵服、復康評估和監察、協助復康運動、陪診服務等。
機構另設專業陪月服務，包括產前準備、嬰兒照顧到產後護理等，收費由$22,000起 (每月22日X 8小時)。
盈安
盈安提供之私家看護服務包括免費家訪、老人照顧、中風照顧及長者家居服務、孕婦及產婦護理、嬰幼兒護理、手術後護理、藥物注射、個人衛生護理、陪診及復康護理等。機構更設有物理治療師，提供各類物理治療服務，適合長期卧床人仕或手術後需復康治療之人士。
卓健
卓健提供醫院護理、家居護理及長者護理服務，亦提供孕婦和新生嬰兒產前及產後護理服務和陪月服務。除此以外，機構亦提供醫療設備，以照顧家中療養人仕之需要。
盈科
盈科提供24小時護士咨詢熱線，私家看護服務包括老人照顧、長者家居服務、孕婦及產婦護理、嬰幼兒護理、手術後護理、藥物注射、個人衛生護理、陪診、復康護理及轉院護送等。
愛心
愛心提供24小時在家及醫院的1對1私家看護服務，服務包括鼻胃管餵飴／氏導尿管護理，上門注射針藥丶敷藥及包扎，產前產後護理，手術後護理，陪同病人轉院丶出國，照顧嬰兒丶小孩及老人，穴位推拿及物理治療等。如需較長或較短的看護服務，可直接透過2337 0839 (24小時運作) / info@cathynursing.com聯絡機構以作安排，而最終收費將按照個別案件報價決定。
百本
百本提供24小時私家看護服務，包括住院病人服務、手術後護理、長者照顧、院舍及宿舍照護服務、孕婦或產婦護理、嬰幼兒照顧，以及外地及轉院護送服務等。收費詳情需自行於網上或透過Whatsapp（95159439）報價。
愛護健
愛護健團隊會因應要求和醫生處方提供不同醫療和護理，服務範疇涵蓋私人護理服務、物理和職業治療服務、健康助理服務等等。收費詳情可按此填寫網上表格查詢。
Evercare
Evercare提供唔同嘅私家護理服務，包括專科護理（如中風護理、認知障礙症護理、癌症護理、糖尿病護理等）、長者個人及陪伴護理、復康護理、上門私家看護和保健員、哺乳及疫苗接種等幼兒護理等。
名卓護
名卓護主要為醫療機構提供醫護人員，亦提供家居私家看護服務、專業陪診等，更有資深專科護士提供專科傷口護理、造口護理、淋巴水腫護理等，全面照料長者、長期病患者、孕婦、嬰兒及復康人仕不同的需要。
活力國際
活力國際提供短期及長期家居護理服務，短期護理人員每日服務1至12小時，而長期護理人員則聘請自海外，提供長達6個月嘅服務，收費由每月$5,000起。
護理服務包括日常起居護理、傷口護理、定期注射、氣管造口護理、抽痰、抽血等服務。收費需經網上初步評估後報價。
博康
博康提供註冊護士和登記護士之24小時私家看護服務，服務包括︰手術後護理、傷口護理、藥物注射、造口護理、產前產後護理、醫療護送及陪診、日常衛生護理等，亦可按情況提供紓緩治療。
延年
延年提供註冊護士和登記護士之家居護理服務，服務包括手術後護理、傷口護理、藥物注射、造口護理、呼吸治療、疫苗接種、醫療護送及陪診、日常衛生護理等。
各個私家看護中介提供嘅服務及收費都大同小異，建議大家可以先搵幾間報個價，深入查詢服務詳情後，再作明智嘅決定！
資料來源
- 1醫療機構之網上公開資料
這篇文章有用嗎？
47
5
本文章內容由 Bowtie 團隊 提供並只供參考，不代表 Bowtie 立場，Bowtie 對任何人因使用或誤用任何信息或內容，或對其依賴而造成的任何損失或損害，不承擔任何責任。此文章內任何與 Bowtie 產品相關的內容僅供參考及作教育用途，客戶應參閱相關產品網頁內詳細之條款及細則。
相關文章
