【糖尿病前期】會好嗎？會導致甚麼併發症？症狀、診斷及預防方法

在香港，每十個人就有一個有糖尿病，更有不少人出現糖尿病前期而不自知。如果未有及早處理，糖尿病前期更有機會發展成二型糖尿病及其他併發症！Bowtie 醫療資訊團隊為大家講解糖尿病前期相關資訊，包括症狀、診斷方法、風險因素及預防方法。

咩係糖尿病前期？

糖尿病前期係指血糖水平高過正常，但未有達到糖尿病嘅標準。根據世界衞生組織（WHO）嘅定義：

• 空腹血糖介乎 5.6至6.9 mmol/L
• 餐後兩小時血糖介乎 7.8至11.0 mmol/L

如果血糖高過呢啲數值，例如空腹血糖 ≥ 7 mmol/L 或餐後血糖 > 11.1 mmol/L，就屬於糖尿病。糖尿病前期好似一個警告，提醒如大家不改變生活習慣，未來患糖尿病嘅風險會大大增加。

糖尿病前期有甚麼症狀？

好多有糖尿病前期嘅人其實冇明顯症狀，所以好易被忽視。但有啲人可能會有以下徵兆：

• 口渴增加：成日覺得口乾，想飲水。
• 小便頻密：尤其係夜晚要起身去廁所。
• 疲倦：即使瞓夠都覺得攰。
• 視力模糊：間中睇嘢矇矇地。
• 傷口癒合慢：細傷口都要好耐先好。

如何診斷糖尿病前期？

要知道自己有冇糖尿病前期，醫生會用以下測試：

1. 空腹血糖測試（Fasting Plasma Glucose, FPG）
   • 禁食至少8小時後抽血。
   • 正常：3.9–5.6 mmol/L
   • 糖尿病前期：5.6–6.9 mmol/L
   • 糖尿病：≥ 7 mmol/L
2. 糖化血紅素測試（HbA1c）
   • 反映過去2-3個月嘅平均血糖水平。
   • 正常：< 5.7%
   • 糖尿病前期：5.7%–6.4%
   • 糖尿病：≥ 6.5%

如在正常範圍內，血糖越低通常代表胰島素敏感度越高，未來患糖尿風險越低。

糖尿病前期嘅風險因素

有啲生活習慣同身體狀況會增加糖尿病前期嘅風險，包括：

• 過重或肥胖：尤其係亞洲人嘅BMI ≥ 23。
• 家族病史：直系親屬有糖尿病。
• 缺乏運動：坐得多，動得少。
• 不健康的飲食習慣：高糖高脂飲食增加三高風險。
• 年齡：45歲以上風險較高，但年輕人亦唔例外。
• 其他健康問題：高血壓、高膽固醇、曾有妊娠糖尿病。

點樣預防糖尿病前期？可以逆轉嗎？

只要改變生活習慣，就可以將血糖水平拉回正常。以下是管理糖尿病前期的方法：

1. 健康飲食

• 選擇低升糖指數（GI）食物：例如糙米、全麥麵包、豆類、蔬菜，代替白飯、白麵包等高GI食物。Jacky解釋：「低GI食物令血糖上升慢，飽腹感強，唔易過食。」
• 減少糖分攝取：Wing嘅全糖奶茶習慣要改！專家建議飲水代替含糖飲品。
• 攝取肌醇（Myo-Inositol）：肌醇能提升胰島素敏感度，幫助穩定血糖。天然食物如芒果、橙有少量肌醇，但市面嘅控醣營養飲品含有更高劑量。

2. 適量運動

• 每星期至少150分鐘中等強度運動，例如快步行、游水或踩單車。運動能提高胰島素敏感度同減低血糖。

3. 控制體重

• 如果過重，減5-10%體重已能顯著改善血糖水平。

4. 戒煙同減壓

• 吸煙同壓力都會增加糖尿病風險，戒煙同放鬆心情好重要。

5. 定期檢查

• 每年測一次血糖或HbA1c，及早發現問題。

糖尿病前期會導致甚麼併發症？

如果未有理會糖尿病前期，有機會發展成二型糖尿病，甚至引發嚴重併發症，包括：

• 心血管疾病：心臟病同中風風險高2-4倍。
• 腎病：20-40%糖尿患者會有腎衰竭。
• 視網膜病變：長期血糖高可能導致失明。
• 神經病變：腳部麻痺或潰瘍，甚至要截肢。