如何幫助寶寶定驚安眠?

有些家長會話屋企有左個bb之後就無好好訓過一覺，除了初生嬰兒餵養比較頻密，需要少食多餐之外，bb換片、扭人抱、不適應環境等等都會引致初生嬰兒入夜之後就哭鬧，或者深夜都喊醒，搞到爸爸媽媽都有對熊貓眼。

在中醫的角度看來，初兒嬰兒夜睡不寧，定時啼哭、或入夜則哭、甚至徹夜哭鬧不眠，總稱為夜啼，夜啼在兒科的古籍中，有不同的鑑別，例如如果小朋友一熄燈就喊，一開燈就唔喊，古代的醫家認為只係因為小朋友一時不習慣，只要二、三晚左右，由得他喊，之後他就會知道熄燈其實是正常的，家長千萬不可以為了令孩子不哭而長明燈火，影響孩子的睡眠質素。所以要先排除一些令孩子起居飲食不舒適的因素，好似古書<<育嬰家秘>>所說「渴則飲之，飢則哺之，痛則摩之，癢則抓之，其哭止之，中其心也」，但如果做左以上的還在哭，就必需考慮是否有夜啼的病理狀況。

中醫認為夜啼有三大原因   :  第一是脾寒，因媽媽素體虛寒或多食生冷，護理不當亦有可能凍親肚仔，因脾又屬至陰，會引致入夜之後出現肚痛的情況，要注意保暖調護，可以幫bb摩腹部舒緩哭鬧 ;  第二是心火，媽媽素體若有熱或多食煎炸，餵哺的母乳亦偏熱氣，多見bb啼哭時面紅唇紅，比較煩燥，則屬心火 ;  最後是驚恐，如果小朋友聽了過大聲量或異常聲響，或突發見到異常事情，會容易受驚，應為其安神定志，俾小朋友服食珍珠末是不錯的選擇，因為珍珠末本身是有安神定驚、明目消翳、解毒生肌、潤膚祛斑的功效。如果加上熱氣的症狀，亦可選保嬰丹，但要注意脾寒和G6PD的小朋友忌用。